ماهو سبب عدم حضور اغلب الجماعه للاجتماع الشهري

[مفرح الروايا]

السلام عليكم ورحمة الله وبركاته

اليوم حبيت اسمع رايكم ووجهت نظركم

في بعض الاجتماعات بين جماعتنا

وياليت ما احد يزعل او يتضايق من الصراحه التي هي واقع

وانا اتحدث عن اجتماعات الرياض

وهي نرى ان بعض الجماعة لايحضرون وخاصة للاجتماع الشهري

ماهي الاسباب ياترى هل سبق وان قام كبار الجماعه بالاتصال بهم ومعرفة

عدم حضورهم هل وهل وهل 000الخ 0

اترك لكم الرد ماهي الاسباب واتمنى ان نجد حل لهذه المشكلة

وياليت من الادارة ماتحذف هذا الموضوع كما حذف من قبل 000

وسلامتكم

انتظر ردودكم وللعم فلقد تحدثت مع البعض وابدى لي الاسباب وسوف

اذكرها ولكن بعد ردودكم 00

[العميد]

الغائب عذره معه

[هواوي]

صادق يالعميد
والي يبغى الجماعه فيعرف طريقهم والي مايبغاهم فالله يستر عليه بالرغم اني اوصي الجميع على الحرص على حظور مثل هذه الاجتماعات
شكرا لك يامفرح الروايا

[وسـام]

ربــمــا المــاديــة

وربـــما النفســية


رغـــم ان التغــلــب عليــها سهـــل وبسيــط


دمت في حفــظ الرحمــن



وســـام

[الفاروق]

لا تنشر غسيلنا أمام العالم وأعتقد لا أحد يتأخر الا بعذر قوي

[جبل حنونه]

السلام عليكم ورحمة الله وبركاته
أخي (مفرح الروايا)انت تطرقت لموضوع مايحتاج كثرة الكلام الي له رغبة في التواصل مع جماعتة بيبحث عنهم ونت عارف الرياض عباره عن مدن في مدينه ولو صار كبار الجماعه يدورون عن كل واحد مايحضر الجمعه اخر الشهر يبغالهم سنه وهم يدورون وين ساكن ورقم جواله.
والحمد لله وسائل الاتصال متوفره ومن ضمن هذه الوسائل ( منتديات بني قشير ) بجهود المبدع ((ابــــــــوفــــــجر)) الله يطول عمره حيث انه يرسل رساله للي متواجدين في الرياض باليوم والتاريخ والاستراحه ورقم جوال الي قائم بالاستراحه.
ونتمنى من الجميع الحضور

[دايم مسافر]

كويس انه عندكم جمعه شهريه والله شئ حلو
بس ليه ما يجون مدري
لاكن فيه بعض الناس تقول اللي ما يعزمني ليه اروحله يمكن ما يبغاناhttp://www.baniqushair.com/images/smilies/biggrin.gif

[مفرح الروايا]

الغائب عذره معه


صح يالعميد الغايب عذره معه هذا اذا هوا غايب وماندري عنه

[مفرح الروايا]

صادق يالعميد
والي يبغى الجماعه فيعرف طريقهم والي مايبغاهم فالله يستر عليه بالرغم اني اوصي الجميع على الحرص على حظور مثل هذه الاجتماعات
شكرا لك يامفرح الروايا


يالهواوي مافيه احد يكره جماعته مهما كانت الاسباب ولكن

قلي بالله عليك وانا اتحدى واجزم ان اجتماع يوم غداً كثير من الجماعه لايعلم عنه

ولو لم ادخل هذا الموقع لماعلمت عن شئ

وياشيخ هواوي حن هنا نبغى نعرف او نوصل كلمتنا لهم لماذا وكيف

لا لانه يوجد خلاف او بيني وبين احد شئ

[مفرح الروايا]

ربــمــا المــاديــة

وربـــما النفســية


رغـــم ان التغــلــب عليــها سهـــل وبسيــط


دمت في حفــظ الرحمــن



وســـام



الله يسعدك ياشيخ كلام منطقي وراقي

كانت قبل كم سنه القطه جبريه ودك تحضر والا ماتحضر

يعني اهم شئ القطه تسلمها وبراحتك

يعني الشغله انت يارفيقي وخويي ماتدور عليه الا من اجل القطه لامن اجل الاجتماع

وهنالك اناس من الجماعه والله ماعندهم مصروف يومهم 0

[مفرح الروايا]

لا تنشر غسيلنا أمام العالم وأعتقد لا أحد يتأخر الا بعذر قوي

يا اخي الشغله ماهي غسيل الشغله نبغى نوصل الى حضور جميع الجماعه لا بعضهم

وماهو عيب لو تناقشنا وعرفنا الاسباب وتغلبنا عليها

[مفرح الروايا]

السلام عليكم ورحمة الله وبركاته
أخي (مفرح الروايا)انت تطرقت لموضوع مايحتاج كثرة الكلام الي له رغبة في التواصل مع جماعتة بيبحث عنهم ونت عارف الرياض عباره عن مدن في مدينه ولو صار كبار الجماعه يدورون عن كل واحد مايحضر الجمعه اخر الشهر يبغالهم سنه وهم يدورون وين ساكن ورقم جواله.
والحمد لله وسائل الاتصال متوفره ومن ضمن هذه الوسائل ( منتديات بني قشير ) بجهود المبدع ((ابــــــــوفــــــجر)) الله يطول عمره حيث انه يرسل رساله للي متواجدين في الرياض باليوم والتاريخ والاستراحه ورقم جوال الي قائم بالاستراحه.
ونتمنى من الجميع الحضور

مشكور ياجبل حنونه

انت مثل الي يقول صل خل

ياخي الجميع وخاصه من هم في الرياض يعرفون ان هنالك اشخاص لايحضرون الاجتماع

نبغى نعرف الاسباب ومعالجة عدم حضورهم

واذا انت وغيرك وانا عندنا امكانية الدخول في المنتدى فغيرنا ماعنده

حتى مايأكل عياله

[مفرح الروايا]

كويس انه عندكم جمعه شهريه والله شئ حلو
بس ليه ما يجون مدري
لاكن فيه بعض الناس تقول اللي ما يعزمني ليه اروحله يمكن ما يبغاناhttp://www.baniqushair.com/images/smilies/biggrin.gif

صح لسانك يادايم مسافر

ولاكن اتوقع ان مو هذا هوا السبب

[ابوخالد]

حياك الله اخوي مفرح حقيقه

في مثل هذه الامور يجب على كبار الجماعه

والذهاب لهمومعرفة اسباب عدم حضورهم فاذا كانت هنالك اي مشلكه

ان كانت ماديه او غيرها

اسئل الله ان يوفق الجميع واشكرك مفرح على هذه المشاركة

تقبل مشاركتي ودمت

[جبل حنونه]

كل واحد ينام على الجنب الي يريحه