يابحر فيني من الحزن كثر مافيك

[فتى الخبر]

يابحـر .. فينـي مـن الحـزن .. كثـر مافيـك ..
من حزن .. وأوجاع .. وغياب .. وغرايب !!

لاتلومـنـي إلـيـا شفـتـنـي .. دايـــم أجـيــك ..
ولاشفتنـي دايـم .. عـلـى الـشـط .. ذايــب !!

حزني كبير .. أكبـر مـن حـدود .. شاطيـك ..
وأقسـى مـن جــروح الـزمـان .. العطـايـب !!

وإن كـان تنشـدنـي فـأنـا .. مـقـدر أخفـيـك ..
دايـم اظــن .. ويطـلـع .. الـظـن .. خـايـب !!

فـي هالزمـن .. أقـرب حبايـبـك .. يشقـيـك ..
إلـيــن تـدفــع فـــي غــــلاه .. الـضـرايــب !!

من بعـد هـذا .. يبتعـد .. عنـك .. ويجفيـك ..
ماكنه .. بجنبك .. قضـى الوقـت .. طايـب !!

وإلا .. الـخـوي الـلـي تـوقـعـت .. يـفـديـك ..
يفـديـك عـمـره .. لاغــدت بــك .. نشـايـب !!

صد .. وتصدد .. مايبي .. سمع .. طاريك ..
وياما .. أنت .. دونه .. أتعبتك .. الطلايب !!

لاتقـول لـي .. بـدري .. وتـوك .. ويمديـك ..
وتعـال .. وأسمـع باقـي الهـرج .. صـايـب !!

خلـك بحالـك .. وأطـلـب الــرب .. يهـديـك ..
ولاتنشد اللي غاب .. ويـن أنـت .. غايـب ؟؟

وإن شفتني غايب .. عن حدود .. شاطيـك ..
أعرف تراني .. تحت .. ذيـك .. النصايـب !!

وأعرف تراني .. دايم إن ضقـت .. بآجيـك ..
لأني .. أنا .. والموج .. صرنـا .. حبايـب !!
:(

[عبدالله ابو ظافر]

فتى الخبر

أبدع قلمك وأبدعت

كلمات جميلة وحلوة

أتمنى لك التوفيق

تشكراتي

[فتى الخبر]

تشرفت بمرورك

[عبدالعزيز بن حامد]

وأعرف تراني .. دايم إن ضقـت .. بآجيـك ..
لأني .. أنا .. والموج .. صرنـا .. حبايـب !!

تشكر على الابيات الحزينه
التي لامست اوتار قلبي
تقبل مروري

[فتى الخبر]

مرووووووووووووورك شرفني

[يالهـ007ــم لاتنـصانـي]

كلمات تستحق الوقوف عندها
وقراءتها مراراً وتكراراً لفهم محتوياتها
كلمات بالفعل نابعه من قلب صادق وشفاف

فتى الخبر
رائع أنت بقلمك وبوحك ومشاعرك الصادقه
نثرت الإبداع في صفحتك والتي تميزت بشذى حروفك
حقاً اشتقنا الى قلمك وتواجدك الرائع
لاتحرمنا أخي
ولك خالص تحياتي

يالهـ007ــم لاتنـصانـي

[دايم مسافر]

مبدع
يافتى الخبر
ما شاء الله عليك

[رحيل الفرح]

ماشاء الله عليك أخي فتى الخبر تسلم يمينك كلمات روعه أعجبني البيت الثالث .

[ياسر القشيري]

يعطيك العافيه

[فتى الخبر]

مروركم شرفني

[حاير طاير]

الله يعطيك العافيه

كلمات رائعه جدا

تقبل مروري

تحياتــــــــي...