ياعلي بن نامش السالفه راحت وجات؟؟

[ابومشعاب]

ياعلي بن نامش السالفه راحت وجات 11111 وانت لك كم يوم بالعلم مارديت لي
العباره واضحه والهروج موثقـــــــــــــــات 11111 مار شد الحيل واحزم حزامك وابتلي

[علي بن نامش]

مرحبا واهلين يارجل والدعوى ثبات.......حن قرينا ماتقدم وتقرى ماتلي
ضيفة الضيفان بر وشحم ومهيلات........ مير حاول ترفع القاف خلك معتلي

[ابومشعاب]

البقاء بك والقوافي لها وجه وقفات ....... لاتوصيني ولاجبت ثوم وفلفلي
دوبنا نقراء في الزلزله والعاديات ........ وانت مثل اللى يقل روح ماناسبتلي

[علي بن نامش]

ابعض الشعار مبدع برسم القافيات......وانت شفت اسمك ظهر في جهازٍ وانتلي
انتظر در المصاغير ولا المبهلات...... وان بليتوني عسى الله يعين المبتلي

[محمد القشيري ( أبو رنا )]

السلام عليكم أحبتي

أستأذنكم في المشاركه ولو كانت لقافه مني ... وحبي للدخول عكس الطريق


من قرأ سورة تبارك نام وقلبه في ثبات @@ ماهو مثل اللي عصي ربه وعن صلاته غافلي

لاسمعت الصبح يذن قمت واقف للصلات @@ أدعي الله وأطلبه من كل هم ينجلي


تقبلو تحيااااااااااتي (( أبو رنــــــــــااااااااااااا

[ابومشعاب]

الحديث المتصل دوم ترويه الثقات......عن ابا بكر وعمر ثم عثمان وعلي
وانت ماتجهل وتعرف دروس الجامعات......والله أني مانويتك بمرّ وحنظلي


الله يبقيك يابو رنا القشيري لكن حتى لايتشتت الموضوع بيني وبين أبو خالد عذرنا على عدم الرد

[علي بن نامش]

القران منزله رب الاسما والصفات...... معجزة ربي بهذا القران المنزلي
كان الاعمى مايشوف السيوف المرهفات...... لادخل في المعركة ينذبح ذبح الطلي

[محمد القشيري ( أبو رنا )]

السموحه والعذر ما قصدت أعمل شتات @@ قصدي أعمل أستراحة فاصل لك ولعلي

والشاعر لما تهيض ينظم أحلى القافيات @@ يبني أبياته على ساس ومبناها علي

[ابومشعاب]

صح يوقع واحد ما يحسب العاقبات.........والطيور اشكال منها العقاب ولجدلي
كم جموع ساعةالحرب تغدي فى شتات.........والعلوم تضيع لاصار قتل وقاتلي

[علي بن نامش]

انفتح باب على ابليس من كل الجهات......نرجم الشيطان لو كان مايتعدلي
لي متى واحنا في العايذات اللايذات....... ياعسى الغمه عن ارض العروبه تنجلي

[ابومشعاب]

ياعلي في كل ساعه تدور العقربات........والطحين يبين من بعد نخل المنخلي
يالله ارحم حالنا بالليالي المقبلات.........وانصر اهل الشام واهل اليمن والموصلي

[عبدالله بن فايز]

اسمحوا لي فاصل ونواصل المحاوره بين عمالقة الشعر وذلك بعد الترحيب بشاعرنا القدير علي بن نامش واقول له نور منتدى قبيلتك يا أبو خالد بطلتك وطلت حبيبنا ابو رناااا .

والشكر الجزيل لشاعرنا ابو مشعاب على دعوته الكريمه بمشاركة ابو خالد وابو رنااا بعد غيبة طويله