حاولت في لحظة جنون اجرح الدين

[ابوخالد]

السلام عليكم ورحمة الله وبركاته

سبحانك اللهم وبحمدك ، أشهد أن لا إله إلا أنت أستغفرك وأتوب إليك



قلت الوداع و جاوبت دمعة العين
تجرح بساتين الخدود النديه؟؟؟

واغضت وشفت بعينها الحزن حزنين
وصاحت على الفرقا ... انا مو قويه

و جاوبتها ارجوكِ تكفين تكفين
والله دمعك يشعل النار فيّه

وقالت تعاهدني عهاد المحبين
الله يخون اللي يخون بخويه

قلت ابشري واللي خلقك لاتظنين
حرام ما غيرك عشقت ادميه

وقصت شعرها قلت انا وش تسوين
قالت ابي من غرتي لك هديه

ونادتني الغربه على الهم و البين
واحسب ان الايام روحه وجيه

غربة سنه في ذمتي غربة سنين
متى على الله يلتقي الحي حيه

ورجّعت شوقي في خفوقي براكين
ورجعت انا كلي لها جاذبيه

وسألت ماردوا و انا اصيح هي وين
وكل نثر داخل العين ميّه

وفي معمعة حزني تلقيت رمحين
قالوا ماتت ... غافلتها المنيه

وفي غرغرتها ماذكرت غير حرفين
تشهدت باسمك شفاة البنيه

صدمه وجابتني على الارض نصفين
شلون راحت دون ذنب و خطيه

تكفون دلوني على القبر هالحين
ما عاد فيني للصبر مقدريه

ووقفت اطالع قبرها بين نصبين
وجلست اضم اغلى النصايب عليّه

واصيح وش بك يا غلا ماتردين
اشتقت همس اشفاك النرجسيه

وش فيك جيت من السفر ماتهلين
ماهي بلك عاده ولا انتي رديه

و حاولت في لحظة جنون اجرح الدين
و ازيح تربة قبرها في يديه

و بالغصب شالوني حشا تقول مسكين
و اصرخ بهم ... والله والله حيّه

اقفت وتاهت بي جميع العناوين
و الحزن يلعب في داخلي سامريه

و رجعت لدروب الشقا قبل عامين
مدري من اللي فينا صار الضحيه

[إحساس طفــله]

روووووووووووووعه اخي ابو خـــالد لا عدمناك


وين تلاقي هالايام نفس الحب من الطرفين


تقبل مروري#

[حاير طاير]

و جاوبتها ارجوكِ تكفين تكفين
والله دمعك يشعل النار فيّه

شكرا لك با ابو خالد وصح لسانك

وقصيده جزله وجازتلي >>وهل راى الحب سكارى<<

تقبل مروري

تحياتــــــــــي...

[سلطان نجد]

صح لسانك
ولا عدمناك

يعطيك العافية قصيدة رائعه

[ابو وليد]

يعطيك العافيه اخي ابوخالد

وتقبل مروري

[خواطر القشيري]

أخي / أبو خالد

مرثيه رائعه ، تحرك الوجدان ... لا أعلم لماذا حين أقرأ إختيارك للقصائد أشعر بأنه يقع تحت تأثير حاله معينه أو موقف مررت به أو جرح .... لا أعلم أيا كان ....كان الله في عونك ....

ودمت بخيــــــــــــــــر مراقبنا الغالي ....

[ابوخالد]

احساس طفلة

حاير طاير

سلطان نجد

ابووليد الشويهر

خواطر القشيري

اشكركم جميعاً على مشاركتكم لي في هذه الخاطرة

اعجبتني كلمات هذه الخاطر فاحببت أن انقلها لكم


اختي خواطر القشيري

يقول الشاعر

بكت عيني اليمنى فلما زجرتها عن الجهل بعد الحلم اسبلتا معاً

[المغامر]

صح لسانك يابوخالد انها كلمات اروع من رائعه فكلك ذوق
وتقبل مني ايضا هذه الابيات الجميله اهداء لك ولأصحاب الاذواق الرفيعه وتقبل تحياتي

قال الوداع&

قال الوداع وقلت ريع لي شوي

اصبر ترى عمر السعاده ثواني

قال الظروف وقلت عن ظرفه عي

تعال وقف ساعتك في زماني

قال احترق في شمسها وانت في فيّ

ماكل ماغطى عيوبك كساني

قلت العفو بصبر على حامي الكي

واكسيك من صبري كساوي حناني

قال الحقيقه شي واحلامنا شي

والشاهد الله ليت هذا مكاني

قلت الوعد قال الوعد يابعد حي

لاصاح لك قلبي وقلبك دعاني

[روح الرضا]

وش فيك جيت من السفر ماتهلين
ماهي بلك عاده ولا انتي رديه..


مرثيه رااااائعه اثارت الحس والذائقه .. يعطيك العافيه ابو خالد
ودمت بخير :)