البنت اللي ماتعرف تطبخ هل تصلح تكون زوجة ام لا

[المغامر]

السلام عليكم ورحمة الله وبركاته

البنت اللي ماتعرف تطبخ.. هل تصلح تكون زوجة!!!

تعال يا شاب يامقبل على الزواج.. هل راح تقبل شريكة حياتك بهذا الشكل!!!!

تخيل نفسك وانت راجع من الشغل ساعة 2 واكيد تعبان ومرهق.. وفجأة تكتشف انه مافيه غداء..

والسبب أن زوجتك العزيزة الغالية ماتعرف تطبخ!!!

وين المدرسة ومنهج التدبير المنزلي من هذاا!!!

لاتعليق

انا اتسآل وين دور الام في تعليم بناتها الطبخ؟!!

فيه منهن أحسن حالا ويعرفن يسوون البطاطس والبيض بأنواعه ( مقلي ، مسلوق ، وعيون ) وأحيانا يسوون شاي ولو انه مرات كثيرة يكون بدون سكر أو عسل كله سكر..

أنا هنا أتكلم عن جزء من البنات ولو انه صار عددهن يزيد

في السنوات الأخيرة.. هناك أسباب لهذي المشكلة وأهما:

1- وجود الخادمة
2- الأنشغال بالدراسة

يمكن يرد علي واحد ويقول الزواج مش طبخ.. حلووو بس هل تقدر تعيش بدون طبخ؟

راح تقولي :

فيه حاجه أسمها مطعم؟ حلو بس هل راح اتعيش طول حياتك كل يوم اذا جعت تروح المطعم .

والصباح تروح المطعم والظهر تروح المطعم والعشاء تروح المطعم.. هل راح تستحمل هذا؟؟؟

في الآخير أسال نفسك سؤال برىء.. اذا هذي البنت ماعرفت تطبخ فكيف راح تنظم حياتك وشئؤونك وشئؤون اطفالك!!!!!

ويش رايكم في هالكلام !!!!!!!!!

[رفعـتي في سجودي]

شوف اخي المغامر قبل الزواج يجب ان يكون هناك مصارحه بهذا الشيء
هل هي تعرف تطبخ ام لا اذا كانت ماتعرف واختار زواجها فهو اللي اختار
صح اخي.........
اما اذا ماقبل فهذا احسن قبل يتورط ويرجع بنت الناس..........
واذا يبيها يعلمها...............ههههه

مشكوووووور والله يعطيك الف عافيه اخي المغامر على الطرح...

[الذاهبة]

الله يعطيك الف عافيه اخوي المغامر على هالموضوع
ولو ان رأي اخواني هو المطلوب بس ماشفت احد جاوب

راح اشارك في النقاش ,, ان من وجهة نظري اشوف انه حاجه مهمه مثل ماذكرت الواحد يتمنى وهو راجع يلقى لقمه ياكلها ويريح
ومحد يقدر يصبر على اكل المطاعم طول عمره

دمت بخير

[روح الرضا]

البنت اذا كان عندها منطق وعقلانيه مستحيل تتقبل فكرة الزوآج الا وهي عارفه ايش المسؤليآت اللى عليها والصعوبات اللى قدامها..

يعني لازم كل بنت تدور حل لكل عقبه ممكن توآجهها .. واهم شئ الطبخ..

تقبل تحياتي وشكرا لك :)

[جنوبي والله يغفر ذنوبي]

أنا أحب أكل من يد زوجتي الحبيبه

وأفتخر لما أعزم اهلي وربعي

ويكون الاكل من طبخ زوجتي



فانصيحتي لهم:

لابد للبنت تعرف في امور المطبخ على الاقل الاشياء الرئيسيه

ومع الايام بتتعلم وكتب الطبخ والمنتديات ماتقصر

والطبخ سهل على مااشوف مافيه ذاك الصعوبه بالعكس تسليه

واللي ماتعرف او عيت تتعلم الطبخ عاد ذنبها على جنبها تتزوج وحدة ثانيه تعلمها امور الطبخ


وانتهت السالفه

[عبدالله بن فايز]

الله المستعان يالمغامر ,, ابدربي راسي على المطبخ واردد اغنية

يا سلامي عليكم يالسعودية يا ديار الشيم يا دار الابطال :D

وبسويلها كبسة ماعمر امها سوتها لابوها :basketball: http://www2.0zz0.com/2008/08/12/10/744664229.jpg

[إحساس طفــله]

يعطيكم ربي الف عافيه


ونتمنى نشوف رئي بقية الشباب



تقبل مروري#

[ابو معاذ]

البنت الي ماتعرف تطبخ.. هل تصلح ان تكون زوجة!!!

لاتصلح ان تكون زوجه ... لان هذا من حق الزوج على زوجته .. وبناتنا ان شاء الله فيهم خير وبركة متعلمين فنون الطبخ الشرقي والغربي والشعبي والسندوتش المحشي وغيرها ... نتمنى من كل من لديه بنت ان يقوم اهلها بتعليمها الطبخ وخاصه الاساسية من صغرها والحياة تعلمها جميع الطبخات الباقية .... تقبل مروري اخي المغامر ...

[ابو فجر القشيري]

ههههههههه
سرى ليلك يابو فايز من شدة ما اهتميت بالطبخ اشوف الدجاجه قامت تدلع عليك حاطه رجل على رجل ههههه ورا ما سلخت جلدها علشان تعرف تقعد على الصحن زين هههههه.
على العموم هذا موضوع قوي للغاية ويعاني منه اكثر الشباب الي مقبل على الزواج وانا سمعت من اصدقائي قصص بالهبل وهذه قصه طريفه :
تزوج الرجال ببنت الحسن والجمال وبعد ماراحوا البيت اتضح له انها ماتعرف تسوي القهوه ولا الشاي في البراد اما الكوب فابشر بها . قالبها يمين يسار فطرت له فكره جهنميه اتصل على والده وقاله ابيك تزورني في جده اسبوع وامشيك فيها فقبل الاب الدعوه وشد حزامه وسافر ودخل على ابنه وعشاه ذاك اليوم ورقده في المقلط ومن الصباح قبل مايروح الولد العمل يمر على ابوه ويعطيه 10 ريال ويقول له روح افطر في البوفيه الى في اخر الشارع والاب يروح مسكين وينتظر ابنه على الغذاء ويقول الله من غذاء بتطلعه زوجته جاء الولد من العمل وعلى طول على الفراش ؟؟؟؟ الشايب ماصدق واستحى يتدخل راح المسكين المطعم وتغداء هناك وبعد العصر الا الولد جاي بالشاي والقهوة والقدوع ويقول لوالده تقهو اما العشاء همبرجر واليوم التالي تست وكلها وجبات سريعه الشايب طار عقله وقال للولد يارجال ودي اسير انا وياك نتمشي على البحر كم ساعه ونعود فقال الولد ابشر .
الوالد سأل الولد وقال وش السالفه لا فطور ولا غداء ولا عشاء في سنعه وش ذا العيشه فجاوب الولد وقاله هذه بنت عمي الي صحت على بها فيها وفيها وهي ماعندها سالفه فقال معقوله هذا جدولكم كل يوم رد الابن نعم والله ان هذا هو الجدول .
قال الوالد ابدق على عمك يجي كم يوم عندنا وابي نفس الجدول هذا لا يتغير واوريك فيه هو وبنته .
ماقصر والد الفتاه اقبل بشنطته وتخاوا هو وخوه في المقلط وفي الفطور وفي كل شي لمده ثلاث ايام بعدها نطق ابو الفتاه وقال وش سنع البزران ذوليه لا فطور ولا غداء والعشاء الله يكرم النعمه فقال والد الشاب مذا خلى الولد يدق عليه وعليك ويجيبنا الى جده الا الضيعة تيه ؟؟؟؟
يوم جاء الولد من العمل مسكوه وقالوا له وش السالفه وانا عمك فرد برد حكيم جميل يرضي جميع الاطراف (( قال ياعم خذ بنت وخل امها تعلمها الطبخ والنفخ وقومة الصباح وتنظيف بيتها ولها من عندي مهله 4 شهور وبعدين تردها لي واشوف اذا كانت تحسنت ولا ابرسلها لك مع ورقة الطلاق والوجه من الوجه ابيض فرد عمه ابيض وجه لكن خلها 6 شهور وابشر بما يسرك فوافقوا على الشرط جميعا )) .
بعدها دخل على بنته وعاطاه حصه ملاكمه وقال قشي قشك انتي ماتصلحين تكونين ربه بيت حدك تنظيف حضيره الغنم في الديره وراحوا الديره وحلف الشايب لزوجته باني لو اشوفك تمسكسن شي في البيت ان يجيكي يوم عسير خلي البنت تتعلم وكل يوم تنظف الحضيره وتسوي الفطور و.... الين صارت فنانه في كل شي وبعدها اتصل على زوجها وجاء واخذها والحمد لله .

والمقصد كله من هذه القصة ان لو فيه ام زي الناس ماخلت بنتها تطلع من عندها الا وهي فاهمه وعارفه امور بيتها وطبيخها . وهذا ليس بفشل البنت فقط بل دليل كبير على فشل امها .

حفظكم الله من كل شر واشكر اخي الغالي المغامر على الموضوع واشكر كل من قام بالرد عليه

[ابو وليد]

العيب مو في البنت العيب في امها
من المفترض تعلمها الطبخ من الصغر حتى لو عندها اكثر من شغاله
ولي يتورط ويكتشف ان زوجته ماتعرف تطبخ الله يعينه ياخذ طباخه ماهره من الجنسيات العربيه
وتعلمها الطبخ
ولي ماعنده سيوله يسكن مع اهله فتره حتى تتعلم ويازين تعليم الامهات الكبار
ولك الشكر

[ابوخالد]

بسم الله الرحمن الرحيم

حياك الله اخي ومشرفنا المغامر على طرح هذا الموضوع

كذلك اشكر اخواني واخواتي الذين شاركو برايهم

وشكر خاص للمشرف عبدالله فايز على رده بالصورة المعبرة التي تشكي بعض

من معاناة بعض نساء اليوم 000

أنا اتفق معكم في بعض ماذكرتو ولكن لايعني أنها لاتصلح لتكون ربة بيت

هنالك أشياء كثيرة تشفع لها واللوم الأول والأخير على والدتها التي لم تعلمها

كذالك اللوم على بعض من بناتنا على عدم اهتمامهم وكما تعلمون

أن هنالك دروس خاصة عن الطبخ والنظافة والخياطة

واعتقد انها من الصف الرابع ابتدائي 000

فيجب علينا أن لانحكم على عدد قليل من بعض البنات والتي يعيشون

في مترف العيش ولديهم من يخدمهم بماقل وجود البنات اللواتي يجيدون فن ومهارات

ادارة المنزل 00هذه بعض وجهات النظر الفرديه وكان هذا رأيي

ولكم مني وافر التقدير والأحترام

[خالد غرم]

أخي المغامر موضوع متميز كتميز صاحبه وعرض مثل هذه المواضيع الهادفه لها دورها في الوصول لنماذج أزواج على درجة من الفكر والوعي لأن هذه الحياة لا يكمل فيها أحد هذا أولا ،،

ثانيا أخي الحبيب أن للحياة الزوجية أركان ( بما أننا نتكلم هنا عن الزوجة ) وهو مايجب الزاما وجوده في الزوجة وهو ما ذكره حبيبنا عليه الصلاة والسلام تنكح المرأة لأربع لجمالها وحسبها ومالها وأكد على ذات الدين فقال فأظفر بذات الدين تربت يداك هذه اذا وجدت في امرأة لكفى والباقي يأتي 0

ثالثا حبيبي المغامر أتكلم عن نفسي لو كانت زوجتي لا تجيد الطبخ والله سأقف معها حتى تجيده خلنا نعيد أيام العزوبية وبعدين ياخي كل شي له حل وأول الحلول كتاب عمتي رابحة ( اللي مايعرفها يسأل عنها في مكتبة العبيكان أو أي مكتبة )

مع كل الشكر والتقدير لك حبيبي المغامر وللأخوة والأخوات جميعا

[المغامر]

الله يعطيكم العافيه جميعا وأشكر كل من شارك وتفاعل مع هذ1الموضوع
وانا بصراحةً معجب كثيراً بردودكم الجميله ويستاهل كل من شارك منكم
من ذكراً أوانثى بالرد المميز الذي فعلا اثلج صدري وخصوصا صاحب الدحاجه
اللي حاطه رجل على رجل اسأل الله لكم التوفيق والتقدم والرقي لهذا المنتدى
وأن يصلح لنا ولكم الازواج والذريه ودمتم بخير وعافيه

[انسه مكياجي]

انا اقول ماهو شرط ان البنت تطلع من بيت ابوها طباخه واساسا مش لازم تطبخ لزوجها يعني ماهي خاددمه عنده والمعروف بعض البنات ماتطلع ماهرة في الطبخ الااذا استقرت في بيت الحالهااااااا

[عذبة الأطباع]

^^^^^

حبيبتي آنسة مكياجي أنا عكس رأيك تماماً

الواحدة إذا ماتجملت في أهلها وطبخت لهم وورتهم إبداعها وفنونها بالطبخ

صدقيني ماراح تبدع عند غيرهم

فعشان كيذا لازم البنت تكون ملمة بكل شي في الطبخ وغيره

والأم أكيد لها دور كبير مررة بالهاجانب

والطبخ أكيد فيه حركه فالحركة والله بركه وفية صحه

أحسن من أكل المطاعم ألي ماندري من وشو مسوينها

ولا وشهم حاطين

فتعلم الطبخ والأبداع فيه مرررررررررررررة مررررة جنان

كل شخص أبداء رأيه وهذا رأيي

موضوع بقمة الروعة مبدع كعادتك أخوي المغامر

يسلمو طرحك وجزاك كل خير

[المغامر]

انسة مكياج يعطيك العافيه هذا رايك وما قصرتي وعسى الله يعين زوجك عليك


الاخت عذبة الاطباع اشكرك كل الشكر على اطلاعك وردك الجميل المميز وماقصرتي

[ابو سحر]

عادي انتكون ما تعرف تطبخ يجيب طباخه تطبخ ماتوقف علا طبخ وبتتعلم مع الوقت اصلا بس الزواج اهم شي في الحياه

[ابو ماهر الكناني]

اخي المغامر والله موضوعك شيق

ولكن في رأئي الشخصي البحت أن الزوجة تتعلم فن طبخ التعامل مع الزوج وهو الاهم

من البطن لأن عندما تجد زوجة تنظر اليها تسرك بمنطقها واببتسامتها وحسن تعاملها

مع الزوج فهذا هو النعيم فعلا فما فأئده زوجة حريفة في الطبخ ولكن تعاملها جدا سيئ

فتعلم الطبخ سهل لكن تعلم وتغيير التعامل جدا صعب

[انسه مكياجي]

انا مصره على كلامي الزووجه ماهي ملزومه انها تطبخ لزوجها وبي الطقاق الي يطقه إلاضاااااامه الجوع عليه بالمطعم والا ما هي مشكله اذا حرك نفسه وقام طبخ
قطيعه ؟؟؟؟؟؟؟؟؟؟؟؟؟؟؟؟؟؟

[ابو وليد]

والله صدقت اخي المغامر
الله يعين زوجها عليها

[حيد الرمح]

لو حصل لابد من الزوج الصبر
وتعليمها اهم شيء تكون تخاف الله في زوجها وتحبه وتلاطفه وامور الطبخ سهله وكل شيء بالتفاهم
فكثير من بنات هذا العصر معتمدات على امهاتهن بسبب الدراسة ومعاناتها
الله يوفق الجميع

[خواطر القشيري]

أقولكم شي الطبخ إذا مو بنفس ماله طعم

وإنتو ماهمكم إلا الأكل

يمكن البنت كويسه في كل شي إلا بالمطبخ

ليه حضرتك ماتتعلم الطبخ بعد

وللعلم شرعا مو ملزومه تطبخ المرأه ولا تنظف البيت وإن حصل فهذا تفضل منها

رجاء لايجي أحد يجادلني قبل ما يقرا كتب دينيه تتكلم عن هالموضوع ....

وبالنسبه لي انا هوااااااااايتي اللي افتخر فيها الطبخ واعشق اتفنن فيه لكن ماراح آخذ واحد مايعرف يطبخ
عشان نساعد بعض وإذا مايعرف الله لايهينه يخلي امه تعلمه

أو يشتري كتب طبخ .....

والله والله اخوي مقبل ع الزواج وطلبني اعلمه الكبسه بأنواعها ....؟؟؟

وبعض انواع الحلى .. ( تبونه يابنات ؟؟؟ )


أشكرك المغامر ع المشاركه خليتنا نشوف الآراء الحلوه

[ابو سمر]

يا الحبيب إذا بتتزوج عشان تملى بطنك فا الخلف على الله...والحمدلله لو مالقيت غداء

أقرب مطعم بخاري ونصف حبه دجاج سفري وتغد وعين من الله خير ...

الرسول صلى الله عليه وسلم يقول ( تزوجو الودود الولود فأني مكاثر بكم الأمم ) ..

طبعا هذي وجهة نظر والله يوم تزوجت ما سئلت حتى هي تعرف تسوي الشاهي ولا لا..

وانت وضميرك ..